he jyesth raj thande par jao

[shambhu_007]

[font=Trebuchet MS]
he jyesth raj thande par jao
apani ghamas se na tarpao
hua agman jaise hi tera
nadi talab sab liye basera
pani ki killat mach jati
ragar jhagar chakoo chal jati
sookh rahi kanchan see bagiya
raas na aaye rasik ki batiya
tan se gire neer ki lari
bin pani kya seeche mali
jeew jantu byakul sab dadhe
pani de do uont bhee maange
nayi suhagin kothari me soye
teri tarap se man me roye
jyeth raj ab sharm to kije
khari bahu hai karm to kije
nayi naveli byah ke aayee
khusiyo ka sansaar hai layee
is aangan ki shobhaa adbhut
tyaag ke aaye hai wah sab kuchh
lo barah byanjan bana ke layee
jo nayee naveli dulhan aayee
sajan ke bhaiya pyaar se khao
he jyeth raj thande par jao
apani ghamas se na tarpao
[/font]